Ynne ka sngi neiliang ka chnat Animal Husbandry and Veterinary Department, Directorate of Dairy Development, West Jaiñtia Hills da pynman ko yei pynsñiawthooh paidbah hajrong i emkaam wow dih dud wei man ko leh kam chibynta i lai luti yong i leh burom yaka National Milk Day ka wow man ha ka 26 tarik uni u bnai.
Ya kani ka pynsñiawthooh paidbah da pynman ha yungwalieh ka Dorbar Chnong Chilliangraij, Jowai wei da wan ya chimbynta da ki khynnah skur deilang kiwa sikai na Chilliangraij Govt. LPS, na Chilliangraij SSA UPS, na Loompyrdi Iongpiah UPS SSA, na Pohmusiang UPS SSA wa na Panaliar UPS SSA.
Ki bru stat bru chemphang kiwa da e yei klam i batai chaphang i rukom yoh myntoi hawa dih yei dud toh ka Mebel Shylla, Senior Dairy Officer, Animal Husbandry and Veterinary Department, Directorate of Dairy Development, West Jaiñtia Hills wa u E. Wann, Dairy Technology, Directorate of Dairy Development, West Jaiñtia Hills katwa hei pynkut won da yoh i klam e mynsien yaki khynnah na u Oriland Shylla, General Secretary ka chnong Chilliangraij.
Ka Mebel Shylla da ong ko wa neibynta wow yoh ki khynnah ya kiwa bha wa miat nadooh ki Vitamin wa kiwi de wa tei yei doh i pran toh deiwa dih yei dud, kamtæ da kyrsu kyntu ko ya ki School Managing Committee wow e leh ya ki khynnah teiñ teiñ dei dud heipor wa e ja sngi namo ka Midday Meal wei neiliang yong ka kular ko wow e yei dud hei dor wa duna (Distributor Rate) cha man ki skur kiwa chim u e dud ya ki khynnah.
Hadien wa da kut kani ka yalang da em leh i saam mynkna yei dud cha waroh ki khynnah skur wa kiwa sikai skur.
Discussion about this post