Ka Dev. Connect 2023 da pynman ya ka haka 28 tarik ha Prime Startup Hub, Shillong da ka Meghalaya Developers and Graphic Designers Community deiwa wan chimbynta da ki Developers, Graphic Designers, kiwa lai puræ College wa kiwa kreh ha Meghalaya wa cha baar ka jylla leh wei ka thong toh wow wanrah lang ya kitu kiwa ka’it ya ka Technology wa ki Developers kiwa stat.
Da sdang ya ka yalang da ki ktien maitphang na u Christopher Wanswett, uwa man u Core Member uwa da klam chaphang i stat ka juk wa katni kamjooh iwa da ye ki wow leh ha uni u snem 2023.
Ha kawi na ki bynta kani ka yalang, ka Codigon da pynyoo ko yaka Open-Source PHP Framework yong ki kawa da e pyrtuid ki kam ka “Weaver”, deiwa ong wa kani man ko kawa suk wei kawa ye u pynemkaam hawa chna ya ki Project kiwa khian.
U George Kharmujai, uwa man u Software Engineer ha Axelerant Technologies, da e u yei klam bniah chaphang ka Drupal CMS, deiwa khana cha kiwa chimbynta yei myntoi wei kammon wow pynemkaam ya ka Drupal wei da khana u leh kammon yarap ko.
Neiliang won ka TechSoul da pynyoo ki yei krehkaam ka ELI Framework, khamtam ka EliCSS, kawa man ka Technology yow chna Website.
Hei janmiet kiwa chimbynta da yoh laad ki wow chna App wei wow kreh wa u IoT Microchip heiwa ka Flutter Meghalaya kawi na ki chnat kawa chna ya ki Mobile App da pynyoo ko ki kammon wow chna App.
Heijooh i por ki Core Member da e laad ki ya kiwa chimbynta wow maad ya ka IoT kawa man ka stat Technology wa thymme wei da yoh ki leh wow pyrchang ya ki Microchip deiwa pyndait ki waka Internet.
Discussion about this post