Ka District Legal Service Authority, East Jaiñtia Hills ynnin ka 11 tarik da pynman ko yaka yachemlang yow pynsñiawthooh yaka aiñ kawa tip kam ka Legal Awareness Programme waki dkhot ka Khliehriat Bar iwa pynman ha yung ka District Court heiwa u L. Lyngdoh, Legal Adviser ka JHADC da man u kam u bru chemphang (Resource Person).
Ya kani ka yalang da chongknor da u Secretary ka DLSA, u D.S. Marbaniang uwa da pdiang sñiawbha ya waroh kiwa da wan wow ya embynta lang heiwa kiwa boon toh ki muktiar wa dang thymme kiwa dang dep psiah cha ka Bar heiwa ka thong yong kani ka yachem lang toh yow pynche ya iwon iwon i artatien heiyatoh wow leh yeiwa emkaam hapoh ka District Court kamjooh hapoh ki District Council Court.
Neiliang u Secretary ka Khliehriat Bar Association u R. War deilang wa u President u K. Ksoo da kylli ki ya kiwa boon jait wei da pynbood saka ya phyllu yumut wa bniah.
Neiliang u L. Lyngdoh, Legal Adviser ka JHADC da e u ya ki yutip wa kordor cha kiwa ya emlang.
Hawa e yei klam pynkut, neiliang u Secretary ka DLSA da pyntip u wa daw pynman chooh chooh ya kam kini ki yalang ha ki sngi wow wan yow yarap u pynyajan ya kani ka Bar kawa dang thymme.
