Ki pulit yong ka Ri-Bhoi da yoh ki wow kem ya u damok wa suba emkti wow slaitbor wei pynyap ya ka khynnah wa dang 13 snem iwa da jia ha ka chnong Kalapangti ka Ri-Bhoi District. Uni u bru wa da yoh kem da tip pyrtuid kam u Iainehskhem Kharsati uwa em 22 snem i rta uwa na kani ka chnong Kalapangti hi.
Kaktkam wa pyntip ki pulit, uni u bru toh u khon ka (L) Rinosha Kharsati kiwa na Ri-Bhoi District wei hei takit ki pulit da phla u wa da slaitbor wei da pynap u ya kani ka khynnah wa dang 13 snem.
Ki pulit yong ka Ri-Bhoi District da pynman ki ya ka takit wa smat wei wow thooh ya uni u bru hadien wa suba wa emkti u ha ini i kaam hadien wa wiar u wei da yoh kem ya oo hapoh 24 kynta.
Hadien wa da pyndep ya ka Post Mortem ha ka step ka sngi Thohdieñ da pyntikna wa kani ka khynnah chah slaitbor ko wei hadien won chah pynyap ko.
Kam wow pynkynmoo wa kani ka khynnah hadien wa liwan ko na skur step da yachem ko wa ka bei ko hei step ka 9 tarik kawa da phah ya ka wow lai emkaam wei ym em de chem ka hadooh i miet heiwa da chem yei metyap ko najan iwi i khloo heipor 7:20 i miet.
Discussion about this post