Hajrong ka thong wow pynkhlan ya ka Information and Communication Technology Infrastructure ha ki thaw puræ ka East Jaiñtia Hills District, u Montri ka sorkar uwa man leh u MLA ka Khliehriat, u Kyrmen Shylla chirup wa ka MLA ka Sutnga-Saipung, ka Santa Mary Shylla, ynne da saam ki ya ki Desktop Computer cha ki skur ka District kiwa da yoh hapoh ka District Mineral Foundation (DMF) Scheme ha ka yalang wa man ha Conference Hall ka yung krehkaam u Deputy Commissioner, ha Khliehriat.
Ha kani ka sngi da emlang u Deputy Commissioner, u Shivansh Awasthi, u Sub-Divisional Officer (SDO)-Sadar, East Jaiñtia Hills District, u Manish Kumar wa kiwi kiwi.
U Kyrmen hawa e i klam da kmen u wa da yoh myntoi na ka DMF heiwa da ye wow e yarap katkam wa kwah ki paidbah ka District heiwa da pyntip u wa da e ya kini ki Computer cha ki skur wa da chah jied katkam i lehbha ki wei katkam wa emkaam ki khynnah ka skur.
Da ban joor u leh yei emkaam wow tip u pynemkaam Computer ha kani ka juk wa katni wei da yooluti u wa kini ki Computer daw pynyoh myntoi ki.
Ka Santa Mary Shylla da ong ko wa ini toh i yarap ya ki khynnah skur deiwa kyntu ya ki skur wow pynemkaam hok ya kini ki tiar.
U DC da ong u wa ka bor District da e yarap ko da ki Computer cha ki skur wow ye ki wow e sikai deiwa janai ya ki khnang wow ye ki wow yoh kreh mynried.
U Manish Kumar, da kyntu u yei emkaam u pynyabi ya kini ki Computer wa ka Internet khnang wow myntoi bha ki khynnah.
Discussion about this post