Ka yung krehkaam u District Disaster Management Authority, West Jaiñtia Hills District, Jowai deiwa ya krehlang waka chnat Fire Service & Emergency Office Jowai, ka yung krehkaam u Superintendent of Police neitæ ka chnat Civil Defence waka District Medical & Health Officer, Jowai da pynman ki ya ka e sikai yow pynkhreh lada pynyoo bor ka bei rymaw namo ka Training and Mock Drill & Disaster Management Preparedness ha 100 Bedded MCH Hospital, Panaliar, Jowai ynne ka sngi.
Neiliang u Dari Lyngdoh, District Disaster Management Officer, da khana u wa ka thong toh wow pynsñiawthooh wow man kiwa da pynkhreh, kamtæ da pynman da kani ka Mock Drill yow pynyoo kammon u leh neibynta kiwa kreh ka Hospital.
Neiliang u Station Officer (SO), u Anthony Rymbai na ka Fire Service and Emergency da klam che u hajrong kammon wow yada nei poor i diñ kamjooh kammon wow tympleh wei wow pynemkaam ya ki tadong tympleh diñ namo ki Fire Extinguishers wa em boon jait wei da kiyi wow pynemkaam katkam wa emkaam.
Neiliang uwa mihkhmat ka Civil Defence, u F. Lamare da pynyoo u kammon iwa da leh wow lai pynlait ya kiwa mynsoo kamjooh ki tiar ki taar wa pynemkaam wow leh yeini.
Kiwa mihkhmat ka yung krehkaam u Superintendent of Police won da klam ki yei emkaam wow lai bait i krehkaam ka aiñ kamjooh i yarap wow e ki ya kiwa mynsoo wa kiwa emkaam yarap.
Neiliang won ka Dr. Embhah Chullet, Medial Superintendent MCH, da pynsñiaw ko yei sñiawngooh yeini wa wan leh ya kani ka Mock Drill kamjooh iwa da e sikai iwa daw yarap bha ya ki Hospital Disaster Management Team kamjooh kiwa kreh ka Hospital yow sñiawthooh ki yei kamraam ki manda jia kam ini i wa emkaam wow e yarap.
Discussion about this post