Ka yalang wow e sikai ya kiwa mynsoo kamjooh kiwa ngam um yow lait ki nei yap da pynman neibynta kiwa kreh sorkar yow tip ki kammon wow leh ya ka Cardiopulmonary Resuscitation (CPR) ya ki khynnah, kiwa da heh wa ki khonbo ha State Convention Centre da ka Indian Academy of Pediatrics (IAP) kam chibynta ka National CPR Day hajrong ka phang “Each can save a life”
Kani da man ko leh kam ka sngi wow kynmoo warom yei sngikha u (L) Dr. Anand Shandilya, heiwa ha kani ka sngi da pynkreh ya ka yalang da ka IAP Meghalaya State Branch waka IAP CPR Centre, Nazareth Hospital, Shillong.
Hawa e yei klam, u Sampath Kumar, Principal Secretary, Health and Family Welfare Department da ban joor u yei emkaam wow yada yei chait i khiah wei yei emkaam wow pynkhih yei doh i pran yow yoh yei chait i khiah.
Ha kani ka e sikai, kiwa chimbynta da yoh ki wow pyrchang hi ki da ki kammon wow leh CPR yow pynkhyrngiat biang ya u klong snam deiwa leh CPR.
