Yoh kiwa lai puræ ka KNGC yei sikai pynmih symbe wei thung tit

Haka 7 tarik uni u bnai, ka Botany Department ka Kiang Nangbah Government College (KNGC), Jowai, da pynman ko yaka e sikai wa tip kam ka Enrichment Programme hajrong ka phang, “Spawn Production and Cultivation of Mushroom”, neibynta ki khynnah College wa puræ B.Sc. 4^th Semester wa B.Sc. 6^th Semester ka Botany.

Ya kani ka e sikai da pynlai da u Dr. Blessing Roy Suchiang, Asst. Professor kani ka Department heiwa nyngkong dooh da khut yaka Head of Department, ka Arabiancy Mawa yow e yaki kyntien pdiang sñiawbha ya waroh kiwa wan cha kani ka e sikai khamtam yaki bru chemphang kiwa da pynlait yei por yong ki khnang yow ye ki u saam yei stat yei tip yong ki cha ki khynnah wa puræ ya kani ka Subject, da pdiang leh ya kiwa sikai kamjooh leh yaki khynnah yong kani ka College.

Ka Head of Department da khana ko wa kam kani ka e sikai da pynman da ka Department neipor cheipor khnang yow yoh myntoi ki khynnah, yow nang ye chooh chooh ki u pynproh yei rukom pyrkhat yong ki najrong i e sikai wa da yoh ki man-ka-sngi katkam ki lynnong kot wa da booh da ka University.

Hadien ini, u Dr. B.R. Suchiang chwa u e kti u cha ki bru chemphang, da ong u wa kani ka e sikai da pynman ya kiwa puræ Botany yow yoh myntoi ki heiwa kammon yow tip ki u pynmih yaki symbe tit (Spawn), kamjooh leh yow thung tit (Cultivation of Mushroom).

Related posts

Kular u Montri ka chnat PHE wow pynchna ya u sarok Oorkhla wa lai cha ka thaw pynkhooid um ka Jowai

May 22, 2025

Wan kyrchaan u Ardent deilang u MDC ka War East yei yakhih kiwa kamai Truck pyrchah ya ki karkhana Coke

May 22, 2025

Da ngait skem chooh chooh u wa hadien kani ka e sikai, daw man ko ka laad ka kabu ksiar ya kiwa lai puræ yow ye ki u sdang u seiñ khih seiñ khan neini. Da khana u leh wa ki khynnah ye ki wow chim da ki Scheme sorkar kam ka PMEGP næ da ka Mudra Loan khnang yow ye ki u seiñ khih seiñ kreh (Start-Up), yow ye ki u kyrchaan yaidæ hi neini chakhmat.

Da kyntu u leh wow leh sa ka Processing yow tit yow ye u booh slem khnang yow ye u pynlai yaaw ya ki tit waroh chi snem. Kamjooh leh da ban joor u wym toh u thung du ki jait tit yow baam don hi, tangwa emkaam leh u sdang deiwa thung yaki jait tit kiwa man dawai leh, neibhah kini rap em dor wei sy’at bha ki wei daw yoh myntoi bha manda dai ki.

Ka Ebiangmitre Pale, Technical Assistant, District Horticulture Office (DHO), Jowai kawa man kam kawa batai bniah chaphang ka rukom pynmih symbe tit (Spawn), da ong ko wa ha man ki jait tit da em jar jiar i rukom pynmih symbe.

Da batai bniah ko chaphang kammon u pynmih ya u symbe tit wa tip kam u Oyster uwa emkaam da ki kamra wa kyrpang wa khooid (Aseptic Room) yow sdang yeini i kaam neibhah wym hoi u em ki tngit (Contamination) næ ki khniang wa ye u pynsih ya u symbe tit heipor wa chna ya oo.

Hadien ini, ka Theophila Pale, Technical Assistant, DHO, Jowai, da batai bniah ko chaphang i rukom thung ya u tit Oyster, da batai ko nadooh i rukom ah yutem, i chet yutem, i chara yow symbe, u pdem yutem hadooh wow mih u tit yow khait.