Ka yung krehkaam yong ka District Mission Coordinator, SSA West Jaiñtia Hills ha ka thong wow kyntu kynrong yei puræ puthi hapoh ka District katkam wa da booh thong ka aiñ RTE Act 2009, ha ka 20 tarik uni u bnai da sdang ko u pynman i e sikai wa kyrpang ya ki Principal, Headteacher yong ki skur ha Inclusive Education Resource Centre (IERS), Mihmyntdu.
Ka thong yong kani ka yalang toh wow pynche pynsñiawthooh ya ki Principal, Headteacher yong ki skur chaphang i kaamram kam ki bor pait bor pynlai yong ki skur neibynta kitu ki khynnah wa em i duna, tymbuiñ hei man rynyieñ rynyiot kamjooh leh chaphang ki hok yong ki khynnah katkam ka RPWD Act 2016.
Ki bru stat bru chemphang yong ka SSA West Jaintia Hills wa kynthup ya ka Mary G. Momin, Block Resource Person, IE deilang u L.K. Singh, Coordinator IE, SSA-West Jaintia Hills da klam wei batai bniah ki chaphang i yumut wa yaar yong i kyntien Inclusive Education kamjooh leh ya ki 21 tylli ki jait kjut kiwa pynhaap hapoh ka RPWD Act 2016.
Kani ka e sikai namo Training daw pteiñ chooh ko deiwa pynman hadooh ka 22 tarik kawa man kam ka ‘2 Days Teacher Need Analysis Training on Inclusive Education’ katwa ha ka 23 tarik won daw em ka Orientation Programme for Parents/ Guardian of CWSN on Inclusive Education.
