Ha ka 28 tarik uni u bnai, ka The Birds & Bees Talk (TBBT), Plan International (India Chapter) chirup i ya krehlang ka yung krehkaam yong ka District Mission Coordinator, SSA West Jaiñtia Hills da pynman ki ya ka Workshop wa chi sngi hajrong ka phang ‘Adolescence Mental Health and Sexual Education’ namo i chait i khiah kiwa dang khai khynroo wei yow tip ki yeiwa emkaam chaphang i rukom man i doh i pran ki.
Ya kani ka yalang da pynman ha District Library Auditorium, Jowai wei da wan wow chimbynta da kiwa sikai na ki le tylli ki Block yong ka West Jaiñtia Hills District.
Ha ka yalang yahkhmat yong kani ka Workshop da wan wow embyntalang da ka M. Lakiang, District Mission Coordinator, SSA West Jaiñtia Hills wei hei klam yong ka da pynsñiaw ko hapyrdi kiwa ya chimbynta chaphang ka thong yong kani ka sngi wei da kyrsu kyntu ko ya kiwa sikai wow man kiwa yakrehlang hajrong ini i thmu wa bha yong ka The Birds & Bees Talk (TBBT), Plan International (India Chapter).
Ka Leshiphro Kashena, State Lead (TBBT), ha kani ka Workshop kam ka bru stat bru chemphang da e ko chiboon i klam i batai ya kiwa sikai chaphang ki bynta wa yatoh wa i sih wa mih na u Drugs neitæ chaphang ka Sexual Education, Adolescence Mental Health wei chooh chooh da em leh ki bynta wa hap kiwa sikai u leh ya ki Online Test.
Da ong ko leh wa kani toh ka sien wa nyngkong wa da sdang wan yoohkjat hapoh ka District wei da kyrpaad joor ko ya kiwa sikai waroh kiwa da chimbynta ha kani ka Workshop wow kitkhia ki u pyndep ya ki kaam kiwa da booh thong u leh ha man ki skur katkam ki kot deilang ki Form wa da e cha waroh kiwa sikai.
Discussion about this post