Yoh kiwa yalehke Boxing ka Madankynsaw ya ki Uniform wa ki tiar na ophis u DSO

Jowai: Kam chibynta wow pynchlur yaki khynnah wa yalehke Boxing yong ka chnong Madankynsaw- Mowkyndeng, neiliang ka yung krehkaam u District Sport Officer (DSO) da e ki yaki tiar yalehke Boxing wei kamjooh leh yaki Uniform kiwa da saam ynne ka step haka chnong Madankynsaw-Mowkyndeng.

Neiliang u D. Shadap kam u President yong ka Madankynsaw Boxing Association wa man leh u waheh chnong da ong u wa em hapoh 40 ngut ki khynnah wa yaleh Boxing wa kynthup ki chynrang wa kynthai ha chnong ha thaw, wei neiliang ka Association da chimkhia ko wow pynku ya kani ka yalehke Boxing hapoh ka chnong ka thaw dei wa ya krehlang wa ka yung krehkaam u DSO lyngba ka program ‘Grassroot Boxing’.

Neiliang ka Association da e khublei kyrpang ko leh ya u Jimmy Shadap u wa man u Boxing Coach yong ka DSO wa da yaleh chitom u e sikai yaki khynnah man ka tayaw da i thmu wow pynku ya kani ka yalehke hapoh kini ki thaaiñ yong i. Ha kani ka sngi da em lang ki dkhot ka Association, ka EM yong ka chnong wei kamjooh leh u Coach Boxing yong ka DSO.

Related posts

SPL: Pynsah naam ka Nangkiew Irat deiwa jop ya ka Mawlai

August 21, 2025

Jop ka Maskut ha ka 2nd Division khlem em wa jop ha ka Super Division ka TSA

August 21, 2025

Neiliang u waheh chnong da booh u i thmu wow paan naka sorkar ya kiwi tawan ki laad e yarap wa kamjooh leh wow booh syndon da ka Physical Education School hapoh ka chnong.