Yoh kreh sorkar uwi u bru hadien wa e sñiawbha u yei thaw cha ka Forest Department

Jowai: I yoh khih yoh kreh ha kani ka juk kawa katni khamtam i kreh sorkar man i iwa eh bha, wei kat dang mih ki sngi kiwa thooh khih dang boon ki. Kiwa yoh da kam ki wa yakhun hi ki, kiwa dooh da pynbaad wa ym em heh ki, wa kiwi kiwi.

Ha kani ka kynti da yoh yutip wa em u bru wa tip kam u Anthony Chyrmang da yoh kreh u kam u Forester-I hapoh ka tnat Divisional Forest Officer, Jaintia Hills Territorial Division, ha ka hukum (Order) wa pynmih ha ka 17 Naisan (May) 2017 hadien wa da e sñiawbha u yei thaw yong oo iwa em ha Lumkya, West Jaiñtia Hills cha kani ka tnat.

Neiliang kiwa pathai khubor da takit ki yeini i thung kreh ya u Anthony wei da chem wa oo da e sñiawbha u cha kani ka tnat ya i thaw yong oo wa em ha Lumkya, West Jaiñtia Hills. Ya ini i thaw da thied u ha ka 06 Naikhynde (September) 2016 na u Sloshon Mynsong wei ini i thaw heh i kamwa 1,080 Sq. Mtrs. Hadien ini da e sñiawbha u ki cha ka tnat Forest Department (Territorial) ha ka Gift Deed wa em ka tarik 28 Thohlakhmi (February) 2017 wei ya ini i thaw ka tnat u pynemkaam ko kam ka Forest Check Point.

Ka hukum da ong ko wa yeini da leh katkam ka kyndon wa 7 yong ka Office Memorandum No. PER(AR)49/2012/5 Dt. 17.11.2014 yeiwa da pdiang da u Principal Chief Conservator of Forest & HoFF No.MFG.38/22/Vol.IV/PT/15605 Dt. 21.02.17.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Ha kani ka Office Memorandum ka kyndon 7 yong ka ong ko wa lada em ki tre thaw e sñiawbha (mynkna) ki yei thaw yong ki cha ka sorkar lyngba ka Registered Gift Deed, ka sorkar ye ko u thungkreh ya u/ka dkhot ka manyung ki tre thaw wow yoh kreh sorkar u/ka kam ki Grade IV næ Grade III. Da ong ko leh wa u DC ka District ye u wow pait ya ki kyrdan kaam wa lait hapoh ka tnat wa yoh ya i thaw (wa e sñiawbha) wei wow thung kreh ya oo. Kani ka kyndon leh ong ko wa i thungkreh hapoh kani ka kyndon u man u chabaar ka DSC (outside the purview of the DSC).

Kamwa jooh man hi, lada ka sorkar emkaam ko ya i thaw paidbah namo i thaw na ki bru samen, jooh pynbna (Advertise/Notify) paidbah ko yeini katwa ka yungkrehkaam u DFO(T) da pyntip wa ha kani ka kynti ym em kawon kawon ka advertisement wa pynmih ko hei yatoh wa ini.

Lada kamni ye u yoh kreh sorkar du neiwa e sñiawbha ya i thaw, myntoi hi i mo ya kiwa boon walang wow minot wow kreh chitom ki lada ka sorkar booh ko kam ya kini ki kyndon?