Ynne ka sngi ka 3 tarik heipor kamwa 3 waje tam, kiwa chong chnong ka Umkiang hadien wa yoo ki ki ya arngut ki baar jylla (ki wakreh ka NBCC) wa wan hiar ki daka Night Super Bus wei psiah ki cha yung wa sah ki ha Umkiang, da pyntip wut wut cha kiwa yahkhmat ka chnong.
Ya kini ki arngut da takit da kiwa yahkhmat ka chnong wei da chem wa ym em ki ya iwon iwon i yoh bor kam ka Transit Pass /E-Pass wa e da ki DC/ki Advisory Certificate/ Quarantine Booklet, wei da pyntip ki wa wan ki na Guwahati khlem em kiwon kiwon wa Check yaki wei em ki du ka Ticket Bus wa lai na Guwahati cha Silchar, wei man ki ki wakreh hapoh Meghalaya (Umkiang Border Fencing).
Neidaw wa kiwa chong chnong da sñiawsyier ki ya kini ki bru, kiwa yahkhmat chnong khlem da pynslem da pynmih noh ki ya ki wei da e kti cha ki bor yong ka aiñ (Umkiang P.P.), East Jaiñtia Hills District, yow phah liwan ki cha i thaw wa wan ki khnang wow yada ya kiwa chong chnong wei yaki leh kamjooh.
U Nicholas Lynngdoh, Secretary Umkiang da ong u wa ini i yohlaad yong ki baar jylla wow wan psiah hi-eh chapoh Meghalaya daw booh ko yei maa yaka chnong ka thaw waka jylla hi waroh kawi. Da maham joor yaki baar jylla wow psiah chapoh ka chnong ka thaw khlem da tip ka chnong, neibhah wot yaki tre chnong leh ym chah ya ki wow wan khlem da tip u Waheh Chnong/Secretary Chnong, hadooh katwon won yaki bru kiwa na baar ka jylla.
Kamtæ da kyntu joor u yaka sorkar wa emburom wow paitbniah ko ya kini ki jait jia kiwa ki baar jylla psiah mih ki katwa ngait. Lada man kamni daw booh ko yaka jylla hei eh wa khroo.
Ka kyrwoh na u Nicholas Lyngdoh, Secretary Umkiang.
Discussion about this post