Ka Khasi Hills Autonomous District Council (KHADC), da rai ko wow pynlum pynlang hapoh kawi ka thup ya waroh ki kur ki jait kiwa em hapoh u pood u ang yong ka Council.
Ini i rai ka KHADC da mih hadien ka yalang wa ki Rangbah Kur, kiwa yahkhmat chnong wa ki khlieh synchaar, khamtam hadien wa ka Council da yoh ko ya ka chithi na u Deputy Commissioner ka Ri-Bhoi District uwa da paan pynche yei em ki kur yow pynsuk yei e Certificate.
Hawa klam hadien ka yalang, u Deputy Chief Executive Member, u Pynshngaiñ N Syiem da ong u wa ka KHADC daw paan yukheiñ ko na ki kur ki jait hajrong i em ki kur ki jait yow yoh u pynlang hapoh ka thup wei yow booh deiwa bait wa ryntih, khnang wa i e Certficate wa i rukom e jait u man ko ha ka luti kawa khlem da tyngkhooh.
Da yaklam leh ya kiwa boon kiyi kiyi hawa yatoh wa ki kur ki jait wei da yaklam wow booh ryntih hawa yatoh wa ki kur ki jait hapoh ka ri Khasi, wei da toh i por wow em noh ka thup yong ki kur ki jait wa haap hapoh ka KHADC, khnang wa i e Certficate u lai bait wei ki kur waphær waphær toh u pyntip ki cha ka Council yeiwa em ha ki khnang wa chwa wow pynmih paidbah ym man ko kawa tkoh.
Da ong u wa hadien wa yoh yaka thup daw khut biang sa kawi ka yalang yow pynbait ya ki kur hapoh ka ri Khasi, wei pynrap u wa kamwa man katni ya ki kur Khasi da tipmit bait katkam ka Khasi Social Custom of Lineage Act,1997 iwa mut katkam i e jait cha ka bei.
Neiliang u Titos Chyne uwa man uwa yahkhmat ka Liang Pyrchah ha KHADC, da ong u wa waroh da e ki yei kyrchaan yeini wei u kyrchaan leh ya ka Khasi Social Custom of Lineage Act wei wow kyrchaan leh yei pynbna ka sorkar lyngba ka Social Welfare wow e ST Certificate da ka KHADC.
Discussion about this post