U Heipor Uni Bang, u khon yong ka (L) Tngen I Bang wa u (L) Working Rymbai, u kurim yong ka Kong Klurmon Dkhar uwa chong wa sah ha Wapungskur (Moopyniein), East Jaiñtia Hills District da yoh pdiang u ya ka kyrdan Doctor of Philosophy (Ph.D) ha ka Environment Management na ka skurbah William Carey University, Nongmynsong, Shillong, Meghalaya ha ka 5 tarik uni u bnai.
Da pyndep u yei thooh bniah namo ka Research hajrong ka phang (Thesis) kawa ong “Challenges and Opportunities of Solid Waste Management of East Jaiñtia Hills District of Meghalaya, India”, hapoh i pait bniah yong ka Prof. (Dr.) Maitreye Roy, HOD, Environmental Management and Sciences wa u Dean School of Sciences WCU, Nongmynsong, Shillong.
U Heipor da pyndep u ya ka SSLC na ka Government Boys’ Higher Secondary School, Jowai, katwa ka HSSLC wa B.Sc (Botany) na Shillong College, Shillong wei ya ka M.Sc na ka skurbah North Eastern Hills University (NEHU), Shillong. Kattæ man u kam u Principal wa uwa seiñ ya ka K.B. Memorial Secondary School, Wapung.
U Heipor Uni Bang toh uwa da yoh ya ka State Award na ka Education Department ka sorkar Meghalaya ha ka 5 tarik u Naikhynde 2024, ya ka District Award ha u snem 2021 wei da yoh u leh ya ka Lifetime Membership ka Red Cross na u Governor ka Meghalaya ha u snem 2018.
Discussion about this post