U TBn. Spainlinmi B. Lapasam, u khon yong u Ma Wanbor Suchiang waka Kong Bhakam Lapasam, u kurim ka Kong Pynthyndalang Ymbon wa chong wa sah ha Sahsniang-A, West Jaiñtia Hills District, da yoh pdiang u ya ka kyrdan Doctor of Philosophy (Ph.D) haka Political Science na ka skurbah North Eastern Hill University (NEHU).
Ya kani ka Ph.D da yoh u hei thooh bniah hajrong ka phang “India-USA Relations with Reference to Defence and Civil Nuclear Cooperation (2000-2013)”. Da pyndep u yeini hapoh i pait u Professor Munmun Majumdar.
U TBn. Lapasam toh katni uwa hikai ha Nongtalang College wei man u leh u Tymmenwasan ka Balang Presbyterian Sahsniang.
