Ka jylla Meghalaya da yoh Lat wa thymme ko da u Brigadier (Dr.) B.D. Mishra (Retd) hadien wa kut ka samoi krehkaam u Satya Pal Malik ha ka 3 tarik uni u bnai.
U Satya Pal Malik da chimkti u kam u Lat ka jylla ha u Naisaphra 2020.
U Mishra toh uwa man katni kam u Lat ka Arunachal Pradesh nadooh u 2017 wei da e wow ksoh u leh ya ka Meghalaya hadooh wow pynbna da kamwi.
Ya u Mishra da pynsmai da u Judge ka Meghalaya High Court u HS Thangkiew ynne i step ha Durbar Hall ka Raj Bhavan Shillong.
Da wan wow sakhi lang da u Speaker ka Meghalaya Assembly, u Metbah Lyngdoh, u Montri Rangbah, u Conrad Sangma deilang wa ki Montri Sorkar.
Neiliang u Conrad da e khublei wei da pdiang sñiawbha u ya ka Brig. Mishra chapoh ka jylla deiwa yooluti yei yah luti wa stat wa sian yow pynku pynroi ya ka jylla.
