Phra ngut ki nong India kiwa kreh ha ka jhaad kit mar ka ‘MV Dali’ kawa da tyrrah ya ka yingkieñ Baltimore ha i Wisu uni u snem da mih ki wow liwan cha India na USA.
Ka Baltimore Maritime Exchange da ong ko wa 4 na ki 21 ngut kiwa kreh ha kani ka jhaad wa jrong 984 feet ka ‘MV Dali’ dang neh hi ki ha kani ka jhaad.
Kam wow pynkynmoo heini wa heipor wa tyrrah kani ka jhaad ya ka yingkieñ, 20 ngut na kiwa kreh ka jhaad toh ki nong India.
Kani ka jhaad da tyrrah ko ya ki chrot ka yingkieñ Francis Scott Key Bridge ha ka 26 tarik u Wisu uni u snem heiwa da em 6 ngut na kiwa kreh ha kani ka yingkieñ wa da dooh ki yei mynsien yong ki.
Phra ngut na kiwa yoh u liwan toh kiwa chet, u Seaman wa kiwi wei ymtoh ki sahep wei da yoh ki u liwan katkam ka hukum ka yung kasari.
Ki 13 ngut kiwa dang sah u neh ki ha US katwa dang pteiñ i takit ya ki.
Kani ka jhaad toh kawa mantre da ka Grace Ocean Private Ltd wei da mih ko na Baltimore wow lai cha Colombo, Sri Lanka heipor wa tyrrah ko ya kani ka yingkieñ.
Hadooh wa man katni ym em kiwa kreh wa chah pynngat ha kawon kawon ka kyndon wei i takit dang lai i chaphrang da ka Federal Bureau of Investigation (FBI) wa kiwi ki bor aiñ ka America.
Discussion about this post