I tika yada COVID wa nyngkong dooh hapoh pyrthai wa ye u e lyngba i khmut wa chna da ka India da yoh i yei mynjur wow pynemkaam da ka Central Drugs Standard Control Organisation (CDSCO) heipor wa emkaam jhan namo ka Emergency Situation neibynta kiwa em 18 snem chaneiñ.
Yeini da pyntip da u Montri Khynnah ka sorkar pyrdi wa pait yaka Science & Technology, Earth Sciences, PMO, Personnel, Public Grievances, Pensions, Atomic Energy & Space, u Dr. Jitendra Singh hawa chongknor ynne yaka yalang ka Societies of Autonomous Institutions of Department of Biotechnology heiwa da khana u yei rai wow pyn-yabilang ya 14 tylli ki Society of Biotechnology Institutes hapoh kawi ka Society yow pynbha yei rukom krehkaam.
U Montri da yaroh u leh yaka Department of Biotechnology (DBT) wa ki Company yong ki namo ki PSU, Biotechnology Industry Research Assistance (BIRAC) yei kyrchaan ki wow chna ya ini i nyngkong dooh i tika COVID wa tip leh kam i Intranasal vaccine for COVID wa da chna daka Bharat Biotech International Limited (BBIL) iwa man leh iwa nyngkong dooh kam ini hapoh pyrthai.
Da pyntip leh yei pyrchang namo ka Phase-III Trials da pyrchang ha ki 3100 ngut ki bru ha ki 14 tylli ki thaw ha India. Da pyrchang leh yeini kam ka tika pynkhlan namo ka Heterologous Booster Dose ha ki 875 ngut ki bru kiwa da dep chwa wow yoh tika.
Ya ini i tika toh iwa da chna heitæ i rukom wa ye u pynjoo hapoh khmut (Nasal Drop) wei ym toh iwa syad wei iwa ye u booh ha 2-8°C wei iwa suk wow kit. Da booh leh ki thaw wow chna ya ini iwa da pynkreh daka Bharat Biotech ha kiwa boon ki thaw ha India kam ha Gujarat, Karnataka, Maharashtra wa Telangana.
