Yoh mynsien ki khynroo khyllood na ka 2nd Kiang Nangbah Youth Conference

Wow pynpsiah hei pyrkhat pyrdaiñ ki khon khynroo khyllood chaphang ka yurim yong i maya ya ka ri waka jaitbru chimkhia ka Khynroo Khyllood Committee, Seiñraij Jowai deilang ka Lei Synshar Cultural Society, Jaiñtia Hills wow pynman ya ka 2^nd Kiang Nangbah Youth Conference ha Jowai.

Kani toh kawi na ki yalang wa da mang kyrpang kam ka dak i kynmoo burom ya ka lyngkhooh snem sngi yap wa 162 U Kiang Nangbah wei da pynman ya ka ha ki ar sngi heiwa ynne ka 29 tarik da em ka Youth Conference ha Yungwalieh Dulong katwa ha ka 30 tarik won daw em i lai uiñ sarok ki khynroo khyllood wa ka yalang wa kyrpang ha madan Mynkoipyrdi Iongpiah.

Ha ka yalang yahkhmat yong kani ka sngi sdang hei pynlai u Sajonksiar Langdoh, Chairman KKC, Seiñraij da yoh i ngoohblai ngoohsyiem na u Heipormi Challam, Mylliangot Raij Jowai, i klam e khublei na u Kamnipaia Challam, Secretary LSCS, Jaiñtia Hills neitæ i klam e mynsien ya ki khon khynroo khyllood na u H. Toi, President Seiñraij Jowai, na ka Meena Laloo, President Lei Synchar Cultural Society, Jaiñtia Hills wa kamjooh na ka Pynbeit Passah, District Informatics Officer, West Jaiñtia Hills wa man kam ka kongsan yong kani ka sngi.

U Hercules Toi hei klam da e mynsien u ya ki khynroo khyllood hajrong ka yurm i man u Kiang Nangbah kam u bru paidbah wa skem yurim i man wei maya ya ka ri wa ka jaitbru kat hadooh wow yoh u yei kyrdan khlawait ka ri.

Related posts

Yachem ka JSU-East Jaiñtia wa u AT Mondal yow dawa pynyoh bordiñ ya ka Dong Mihsngi

May 15, 2025

Kyrpaad ka bei u Terrorist wow pyndem u chwa wow chah siat ha ki chipai ka India

May 15, 2025

Ka Meena Laloo kam kawa yahkhmat yong ka Lei Synchar Cultural Society, Jaiñtia Hills da khana ko yei parom i lai luti ka seiñ hei wow yah u chdooh luti ya ki khon khynroo khyllood kat hadooh wow poi i por wow yakrehlang wa ka KKC Seiñraij kawa em ka jooh ka thong ka jooh ka yumut wow khriñ yei pyrkhat pyrdaiñ ki khon khynroo khyllood ha ka yurim yong i chlur, i maya wei yatylli. 

Neiliang ka Pynbeit Passah kam ka kongsan, hawa e yei klam da e mynsien ko ya ki khon khynroo khyllood deiwa ong, u Kiang Nangbah yieñ yaleh pyrchah u ya ki bor ka sorkar phareng da ka luti yong i hok, i chlur, i yatylli wei maya wei man u leh u bru wa chynna jngai, kamtæ kam ki pateiñ kani ka juk to yn yabood late i ya ki nongmuna wa bha u Kiang Nangbah khnang wa ka mynried yong ka ri wa ka jaitbru u lait ko nei chah yoobeiñ næ chah synchaar embor ha kiwi.

Chooh chooh iwa kyrpang ha kani ka 2^nd Kiang Nangbah Youth Conference toh i yoh ki khon khynroo khyllood u ap u sñiaw yei klam i kappæ na ki bru stat bru chemphang wa kynthup ya ka Nilamroy Passah, kawa da klam hajrong ka phang wa ong “Ki kaam wa chemphang wa tule yei suk ka pateiñ” wa u Dawmanchuh Lamar, uwa da klam ha ka phang wa ong “Kiang Nangbah kam u khon dap chynrang”.