Ki bor District ka West Jaiñtia Hills ini wa dep da phah ko 17 ngut ki khynnah skur cha New Delhi kam chibynta ka Exposure Trip yow yoh ki wow yoo yei krehkaam ka synchaar padibah kamjooh wow yoo yei thaw wa bna naam ha nongbah ka ri.
Ha ki ar sngi wa em ki ha New Delhi, ha ka 11 tarik da yoh ki wow pait ya ka Live Proceeding ka Winter Session nadooh 11:00 AM hadooh 12:00 PM. Wei chwa ini da yoh ki yei pynche heiyatoh wa ka PRIDE (Parliamentary Research and Training Institute for Democracies), wei da pynbood dei yaklam wa u Deputy Secretary ka Lok Sabha Secretariat uwa da khana yei krehkaam ka Legislature, Executive wa Judiciary wei i bynta kini ki le tylli ki chrot ka synchaar paidbah.
Da yah ki leh cha ka Rashtrapati Bhawan kawa man ka thaw sah ka President ka India wei da lai leh cha ka Amrit Udyan kawa man ka ka Hall wa booh yei parom ki jaitbru ri-loom ka India nadooh ka dustur riti, ki dur ki dar, ki tar tem tiar put wa kiwi de kiwa man tynre.
Da yoh ki leh wow psiah ha ki Hall wa pynman ya ki yalang manda wan ki heh na baar ri wei da khana leh ya ki rukom wa hap wow bood.
Da lai pynyoo ya ki leh ya ka Rashtrapati Bhavan Museum wei hei janmiet da lai yah ki cha ka India Gate kawa man kam ka National War Memorial kawa em yei pyrtuid ki chipai kiwa da e yei mynsien ki neibynta ka ri.
Ha ka 12 tarik da lai yah ki cha ka Nehru Planetarium heiwa da yoh ki yei batai yei krehkaam ka Solar System wa kiwi de kiwa em ha haw haw wei da pynbood yei lai sa cha ka Pradhanmantri Sangrahalaya yow tip chaphang ki Prime Minister ka ri wei i parom ka Indian Democracy.
Ha kini ki ar sngi da yoh ya chiboon i myntoi yow tip chaphang ka ri India.
Discussion about this post