Ka 2nd Education Fair Jowai 2025 wa pynman da ka Elev8 Tribes wa ka TSL Event deiwa ya krehlang wa ka IQAC Kiang Nangbah Government College, Jowai da pynman ka ar sngi deiwa pynkut ynnin ka 6 tarik ha Kiang Nangbah Government College, Jowai deiwa wanrah ya ki University na kylleiñ ka India yow yaklam yachem wa ki khynnah skur ka East wa West Jaiñtia Hills.
Ha uni u snem da pynman ka leh hadien wa pynmih ya ki Result Class-XII heiwa ki khynnah da yoh laad ki wow yachem wa kiwa mihkhmat kiwa boon ki University khlem da hap mih na Jowai.
Da em palat 700 ngut ki khynnah na ki 22 tylli ki skur wa ki College na kylleiñ ka Jaiñtia Hills kiwa da wan wow chimbynta.
Ki University kiwa da em palat 10 tylli da wan ki nadooh na Vietnam, Maharashtra, Punjab, Gujarat, Bangalore, Guwahati, Jorhat wa Shillong.
Kini kynthup ki ya ka Excellence Education (MBBS ha Vietnam), Dreamzone School of Creative Studies (Guwahati), Parul Universities (Gujarat), Lovely Professional University (Punjab), Martin Luther Christian University (Shillong), Sandip University (Maharastra), Kaziranga University (Jorhat), Assam Downtown (Assam), R. R. Institution (Bangalore), Mount Olive Culinary and Hospitality Management (Shillong).
Ki khynnah wa dang dep puræ Class-XII da em kiwa da yoh leh ya ka Spot Admission Offer deiwa yoh leh yei pynduna dor ya ka bai Tuition.
Kani ka Education Fair da yarap ko ya kitu kiwa wan ki yung ki sem kiwa duna i yoh i laa heiwa ym hap lai de ki cha jngai.
Discussion about this post