Jowai: Ka All Jaiñtia Hills Social Welfare Organization (AJHSWO) da boodien ko hei yatoh waka Scheme Paikhana heiwa da pynkrehkaam ya ka du ha ki dong wa sah kiwa pyllai ya ka chnong.
Yeini ka seiñ da leh ko hadien wa yoh ujor na ki phaw ngut ki wa chong chnong ka Kyndong Tuber, West Jaiñtia Hills District, kawa haap hapoh ka Laskein CR&D Block Laskein kiwa kynthup ya ka dong Khliehshnong, Lumchyrmang, Lum Khangdong, Lum RC Kyndong Tuber wa slem u pynkrehkaam ya ka Scheme Painkhana (Bharat Health Mission) 2015-2016 hapoh Kyndong Tuber.
Ka seiñ da chem ko wa ha ki dong wa sah kiwa pyllai ya ki kaam chnong da dep pynkrehkaam ya kani ka scheme nadooh u Naichiphaw 2016 katkam wa pyntip kiwa chong chnong.
Hei yatoh wa ini da lai yachem ki wa u Block Coordinator u R. Suchiang uwa pynkreh ya ka tai ka scheme ha kani ka 11 tarik wei da kular u wow pyndep smat ya kani ka kaam ha u bnai wa daw wan.
Ka seiñ da kyntu ko ya ka VHSC hapoh i yahkhmat u Waheh Chong wa u Secretary Chnong yong ka tai ka chnong wow pyndep ki ya kani ka kaam yow yoh myntoi kiwa chong chnong khlem leh chiliang.
Chooh chooh ka seiñ daw thooh bniah ko hei yatoh wa ini lyngba ka RTI yow chem katwon ngut kiwa da yoh myntoi wei katwon ngut ki wym pu yoh myntoi.
Kani toh katkam ka kyrwoh wa da phah da u R. Biam President yong ka seiñ.
(Feature Image-Representational)
Discussion about this post