Kam chibynta wow pynsñiawthooh paidbah heiyatoh wa ka Cyber Crime, neiliang ka District Legal Service Authority, Jowai deiwa ya krehlang wa ki pulit ka West Jaiñtia Hills da pynman ki ka yalang ha District Library Mynthong, Jowai deiwa wan chibynta ki khynnah skur wa boon.
Kiwa klam da khana ki kammon wow syndong hawa pynemkaam ya kawon kawon ka rynsan ha Internet wei lada jia iwon iwon wa chah thok chah chukor wow wan smat chakhmat yow pyntip cha ki bor ka aiñ.
Chooh chooh da khana kammon wow yada ya idæ nadooh ki email ID, ki Phone Number, ki Social Media Account wa kiwi kiwi de.
Da khana leh kammon wow tip ki dak ki chin manda em ki bru wym tipmit kiwa pynbiej dei e kreh, deiwa kular wow e sñiawbha da ki tiar kamjooh kiwa dai tiar nadooh ki kari wei ya kiwa kam ya idæ kam ki pulit kiwa maham kem deiwa dawa poisa.
Neiliang ki khynnah da khana ki wa da yoh myntoi bha ki na ini i pynche waroh.
Discussion about this post