Jowai: Kam chibynta wow pynkrehaam ya ka Social Mobilisation and Institutional Development (SM&ID) program kawa haap hapoh ka National Rural Livelihood Mission (NRLM) yong ka sorkar India, da pynman ya i pynche paidbah wa kammon wow seiñ ya ki Self Help Group (SHG).
Yeini da leh da ka Society for Urban and Rural Empowerment (SURE) ynne ka sngi ha Paradiso Conference Hall, Iawmusiang Jowai.
U H.H. Mohrmen President yong ka SURE, hawa batai bniah cha ki khynnah khynroo khyllood khamtam ya ki kynthai wa ki manbei da ong u wa emkaam u chaniah ya ki SHG neibhah ka sorkar chwa wow e ko kiwon kiwon ki jait yarap na kiwon kiwon ki scheme daw bichaar chwa ko ya ki kaam wa da dep kreh ki SHG. Da ong u leh wa i buit wow sdang ya ki SHG toh iwa mih na ri Bangladesh wei katni da em ki ha waroh ki ri ha pyrthai.
Da ong u leh wa ya ki SHG ym emkaam u seiñ ya ki kamwa seiñ ya ki seiñbhalang wei ya ki toh u tipmit da u BDO wa ki Bank. Ha ka wi ka SHG emkaam u em 8 hadooh 10 ngut ki dkhot wei katkam ka aiñ sorkar u chah du uwi namo ka wi na kawi ka manyung.
Ki kaam wa ki SHG ye ki u kreh toh kam i kaam e ram kylliang, u yarap ya ki para dkhot heipor wa chem ki iwon iwon i chitom, u pynku ya ka chnong kam hei kaam puræ puthi, i chait i khiah hadooh ki kaam khayi pateiñ.
Ynne ka sngi leh da em ka kong E. Rymbai Community Organiser na ka ophis Jowai Municipal Board (JMB), ka kong M. Sungoh Manager (SM&ID), SME Manager kiwa da e leh ya i pynche hajrong ki scheme ka sorkar wa ki SHG ye ki u yoh.
Discussion about this post