Yoh myntoi ki paidbah ka Iooksi nei e dawai mynkna

Jowai : Palat 400 tam yoh myntoi ki paaid wa chong chong ka chnong Iooksi pyllun naka free medical camp wa pynman ha kani ka12 Khonchonglad.

Ki waheh ka chnong Iooksi West Jaiñtia Hills District chirup i yakrehlang ka Jowai Blood Bank hapoh i yahkhmat u Dr. S.S Nongbri SM&HO incharge blood bank Jowai, da pynman ki i e check up mynkna ha kani ka sngi.

Chwa u sdang yaka e dawai mynkna da em chwa ka yalang tbian wa pyllai da u ma C.Tangliang i klam pdiang now ma D. Nongrum chirup i emlang ki wakreh ka Blood Bank Jowai, ki bru waheh ka chnong Iooksi ki Doctor wa ki paidbah.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

U Dr.Nongbri ha kani ka sngi da pynsñiaw yei ka-it mynsien wa em u ha kani ka thaw wei da phla u wa rap sñiawsuk u wow pynman yaka health camp cha ki thaw nongkyndong neibhah kam uwa da jooh kreh boon snem cha ki thaw nongkyndong sñiawthooh u yei eh i khoo yong ki paidbah wa kjut, heiwa em i por nei kjut wa khian tam leh poi chei heh du neidaw wa slem u yoh dawai wei ban i dooh.

Da kyntu u leh yaki paidbah ka chnong u yakrehlang ki wow Doctor wa pait yaka PHC Iooksi wei u man kiwa lehkhooid yow yoh i chait i khiah wa paka.

Kiwi won wa e i klam da kynthup ya u Dr. N.Lamare Incharge Iooksi PHC , u ma Complain Tangliang wa kiwi.

Hadien ka yalang da pynbood won sei e check up wei e dawai mynkna wa da pyndep da ki 3 ngut ki Doctor wa kynthup ya u Dr. S.S.Nongbri SM&HO Incharge Blood Bank Jowai, ka Dr. P. Shylla M&HO Jowai blood Bank wa u Dr.N.Lamare incharge Iooksi PHC wa kiwi.