Yoh myntoi kiwa boon na ka Makeup & Hairstyling Training wa pynman da ka Community College Wahiajer

Ka Deen Dayal Upadhyay Community College (DDUCC) Wahiajer ha ka 14 tarik uni u bnai da pynkut ko yei e sikai wa ynru sngi neibynta ki kynthai heiyatoh i rukom pynmiat yei dur khmat kamjooh i rukom pynwandur ya u sñiooh wa tip kam ka Makeup & Hairstyling Training Program.

Ha kani ka sngi da saam leh ya ki Certificate cha ki khynnah kiwa da pyndep yei chah sikai kiwa em palat 50 ngut.

Ha ka yalang wa pynlai da u Wolnish Rymbai, u Teiborlang Pathaw, Executive Member ka KHADC da man u kam u kongsan, u Dr. F.R. Sumer, Librarian NEHU Shillong kam u symbood kongsan, hei emlang u Rimis Pyrtuh dkhot ka chnong Wahiajer, ka Artysong Lamare kam ka bru chemphang wa e sikai wa kiwi.

U Teiborlang Pathaw kam u kongsan hawa klam ong u ka sap Makeup & Hairstyling toh kawa neiliang ka sorkar leh pynchlur bha ko ya ki khon khynroo khyllood lyngba ka Meghalaya State Skill Development Society, khnang yow ye ki u sdang khih deiwa yieñ hei yong ki hi ki kjat. Kamjooh leh ka jait e sikai wa neiliang ka Ministry of Skill Development leh chimkhia ko. Da pynkynmoo haroh u ya chiboon ki Scheme kam ka Prime Hub, CM Elevate wa kiwi neibynta u pynchlur ya kiwa em sap khnang yow yoh yarap ki u seiñ dei yong ki hi i khih.

Heijooh i por kyntu u ya kiwa da pyndep yei chah sikai wow sñiaw tre ki yei kaam wei katwa ye wa lah u sdang yieñ noh hei yong idæ i kjat najrong wow kreh chitom. Wei da pyneh bok nasib haroh u ya ki yow jop i kaam ki neini chakhmat.

U Dr. F.R. Sumer hawa klam, da yaroh u ya kani ka thaw e sikai kawa ye u pynlai hadooh 21 tylli ki Skill Development Program. Wei neibynta kiwa pyndep yei chah sikai ong u, ki ynru sngi wa chah sikai iwa kordor tam toh i chemphang wow pynwandur yei stat wa da yoh. 

Related posts

Ym pu em pynsangeh yei pynriam khrik-khrak ha Lumtiniang Park

January 2, 2026

Khut ka Jalapang Sports Club ya kiwa kwah wow thied ya ki Stall ka Fete wa daw pynman ha uni u bnai

January 2, 2026

U Rimis Pyrtuh hawa yaroh yei krehkaam kani ka chlem e sikai, sñiawngooh u leh ya u P.S. Shukla, Vice Chancellor ka NEHU kamjooh leh ya ka Principal, ka S. Sungoh kiwa da kreh chitom u pynlai bait pynlai ryntih ya ka DDUCC Wahiajer wa kamjooh leh i wanrah ki yei sikai waphær ha kani ka thaw.

Kyntu u leh ya ki khynnah wa da pyndep chah sikai u pynemkaam hok ki yei sap khnang wa ka mynried yong ki u tyrchaaiñ ko.