Ka Assam da man ko kawa jop boon dooh namo ka Overall Champion hei yasiat (Shooting) haka 2nd North East Olympic Games 2022, deiwa yoh 11 tylli na ki 18 tylli ki takma ksiar.
Ya kani ka yasiat da pynman ha Assam Regimental Centre Shooting Range, kawa da pynkut ynnin.
Najrong ki 11 tylli ki takma ksiar, ka Assam da yoh ko leh 4 tylli ki takma rupa wa 4 tylli ki takma tama. Ka Manipur da yoh wa ar ko deiwa yoh 4 tylli ki takma ksiar, 8 tylli ki takma rupa wa 5 tylli ki takma tama katwa ka Meghalaya da yoh wa le ko deiwa yoh 3 tylli ki takma ksiar, 4 tylli ki takma rupa wa 5 tylli ki takma tama.
Ka Mizoram da yoh 2 tylli ki takma rupa wa 4 tylli ki takma tama, ka Arunachal ym em yoh takma ko katwa ka Sikkim, Tripura wa Nagaland ym em chimbynta ki.
Ki jylla wa chimbynta da phah ki mar 16 ngut kiwa yasiat lait noh ka Arunachal kawa phah 11 ngut.
Ya ki 3 tylli ki takma ksiar ka Meghalaya da yoh da u Dennyson Kyrsian ha ka 50m Rifle Prone Men’s Individual Category; u Kyrsian, u Banrilang Bleine wa u Rajdeep Ghosh ha ka 50m Rifle Prone Men’s Team Event; ka Anjali Singh, ka Veronica Buhroy waka Amalisha N Sangma haka 50m Rifle Prone Women’s Team Championship.
