Yoh nyngkong ka Laban Bengalee Boys HS School ha ka Science wa Commerce ka HSSLC 2023

Ka MBOSE ynne da pynbna ko ya ka Result HSSLC 2023 neibynta ka Science wa Commerce Stream heiwa ki skur wa em ha Shillong da pyntam ki ya waroh kiwi ki skur ka jylla deiwa yoh nyngkong ki ha waroh ar ki laiñ puræ.

Ha ka thup Merit List yong ki 10 ngut kiwa tam dooh ya waroh kiwa yaleh ya ka Science Stream, da yoh nyngkong u Arnab Dutta na ka Laban Bengalee Boys’ Hr Secondary School katwa kiwi ki skur wa em ha kani ka thup toh ka St. Edmund’s Higher Secondary School waka St. Anthony’s School kiwa em ha Shillong wei da em du kawi donhi ka wym toh na Shillong kawa da mih pyrtuid, katæ toh ka R.K. Mission Higher Secondary School, Cherrapunjee.

Ha ka Commerce leh da yoh nyngkong biang u khynnah ka Laban Bengalee Boys’ Higher Secondary School, Shillong, u Rishab Purkayastha wei kiwi de ki skur wa da mih pyrtuid toh ka St. Anthony’s Higher Secondary School, Shillong, ka St. Edmund’s Higher Secondary School, Shillong katwa na baar Shillong da mih pyrtuid ka Mawsynram Border Area Higher Secondary School, Mawsynram, ka Alpha English Higher Secondary School, Nongpoh waka Anderson Higher Secondary School, Upper New Nongstoin.

Na waroh kiwa yaleh ya ka Science Stream kiwa em 3635 ngut kiwa Pass da em ki 2866 ngut iwa mut wa ka Pass Percentage da em ko 78.84% iwa da ku hawa nujor wa u snem 2022 wa em 71.62% wa ha u snem 2021 wa em 75.85%.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kiwa boon dooh kiwa yaleh toh na East Khasi Hills wa em 1813 ngut katwa kiwa duna dooh toh na South Garo Hills wa em 13 ngut.

Na ki District ka Ri-loom Jaiñtia won, ha West Jaiñtia Hills kiwa yaleh da em 493 ngut katwa kiwa Pass da em ki 387 ngut, na East Jaiñtia Hills won kiwa yaleh da em ki 43 ngut katwa kiwa Pass won da em ki 22 ngut.

Ha ka Commerce Stream won waroh kiwa yaleh da em ki 2383 ngut katwa kiwa Pass won da em ki 1890 ngut iwa mut wa ka Pass Percentage da man ko 79.31% iwa da hiar hawa nujor wa u 2022 wa em 83.63% wa ha u snem 2021 wa em 80.93%.

Kiwa boon dooh kiwa yaleh toh na East Khasi Hills 1357 ngut wei ym em kiwa yaleh na South Garo Hills wa na South West Garo Hills. Na ki District ka Ri-loom Jaiñtia, na West Jaiñtia Hills kiwa yaleh da em ki 173 ngut wei kiwa Pass da em ki 130 ngut katwa na East Jaiñtia Hills da em ki 75 ngut heiwa kiwa Pass da em ki 70 ngut.