Uwi u khynroo na Tura uwa tip kam u Jonathan Sinkam M Sangma da yoh nyngkong namo ka All Indai 1st Rank ha ka JEE Mains Exam deiwa yoh 99.07% heiwa da yoh u leh wow lai puræ ha Indian Institute of Technology- Bombay deiwa jied u ya ka Aerospace Engineering.
U Jonathan toh uwa dang 18 snem i rta, u khon ka Dr. Riksilchi M Sangma wa u Dr. Aelifter R Marak heiwa da yoh Top Rank u ar tylli kitæ ka All India 1st Rank ha B-Planning wa All India Rank 6 ha ka B. Architecture.
U Jonathan toh uwa jooh lai puræ ha Captain William’s School, Tura hadooh Class X (CBSE), dep te lai u ha Velammal International School ha Tamil Nadu hadooh Class 12 chwa wow yaleh u ya ka JEE Exam.
Nyngkong da tyrwa chwa ya oo da ka Chemical Engineering ha IIT-Delhi tangwa ym bien u neidaw wa ka’it u ya ka Computer Engineering.
Hadien won da yoh u yei tyrwa ha IIT-Bombay yow puræ Aerospace Engineering wei kani man ko neibynta wow chna ya ki lieñsuiñ wei ka thong u toh wow puræ M.Tech hadien wa pyndep u ya ka B.Tech na IIT-Bombay.
U Jonathan da khana u wa hawa khreh kot ymtoh katwon boon kynta tangwa iwa emkaam toh u sñiawthooh ya iyi wa khreh i.
Discussion about this post