Ka Alacrity Muksor kawa na chnong Ummulong, West Jaiñtia Hills da yoh ko ya ka kyrdan Doctorate of Philosophy (PhD) na ka Indian Institute of Technology (IIT) Guwahati wei da pynkup ya ka da kani ka kyrdan ha ka 26th Convocation kawa da pynman ha ka 14 tarik uni u bnai.
Ka Alacrity toh kawa da pyndep ya ka Master’s Degree deiwa puræ ya ka Public Health wei da pyndep ko leh ya ka National Eligibility Test (NET) wa Junior Research Fellowship ha ka Social Medicine & Community Health ha u snem 2017.
Ha u 2019 da sdang ya ka yaleh PhD hapoh hapoh ka Department of Humanities and Social Sciences, Indian Institute of Technology Guwahati hapoh i yahluti ka Dr. Daksha Parmar heiwa ka phang wa da thooh bniah wei tih bniah ko toh kawa ong, “Experiences of Women with Diabetes: A Study in West Jaintia Hills District, Meghalaya.”
Hajrong ini da lai ko wow thooh bhiah chaphang ki kynthai wa yoh kjut chini ha West Jaiñtia Hills District, heiwa da ye ko wow chem chiboon i eh i khoo ki kynthai katkam ki chnong ki thaw wa sah ki kamjooh ka rukom im wei ini da yarap i wow pynche kammon u leh wow e yarap heiyatoh wa i sumaar sukhær.
Ha ka 6 tarik u Thohlakhmi (Feb) uni u snem da lai rah ko ya iwa da chem wa iwa thoh ko (Thesis) heiwa da ye ko wow pynhun ya kiwa kylli takit yeiwa chem ko wei iwa chem ko ye i leh wow yarap hadooh ya ka sorkar lada kwah ko wow wanrah Policy heiyatoh wa i kjut chini.
Ka Alacrity toh ka khon ka Emmonlang Muksor wa u Iohbor Dhar.
Discussion about this post