U SP ka West Jaiñtia Hills da pyntip u wa ha i step ka 20 tarik heipor 7 waje, uwi u bru da li booh ya oo cha Ummulong BH da u waheh chnong ka Mukhla Umlangshor hadien wa chem wa uiñ u cha wah cha neiñ wei ym em yoo che yongbru oo.
Neiliang ki pulit da phah ki ya uni u bru wow pyndep u yaka Medical Examination wei da chem toh uwa pynemkaam drugs. Hadien wa che khlieh u, da li booh ki pulit u cha Jowai hadooh cha yung wa sah u ha Ladthadlaboh deiwa ong ya oo wym toh u embynta u ha ki kaam pyrchah aiñ wei wow wan mih u cha Ummulong BH man ka sngi.
Tangwa ha ka jooh ka sngi heipor 7:30 i miet, uni u jooh u bru da chah kem u ha Lumpariat, Jowai wei da chah pynbaad u wa oo toh u chonnoh wei da chah boom chah dat u ha ki bru hadooh wa hap wan pynlait ki pulit oo wei da phah summar oo wei da neh u wa ki pulit yow lait u na i maa.
Da pyntip leh wa uni u bru toh uwa tipmit ki pulit uwa da chah kem leh ha ki kaam tooh wa kiwi kiwi.
Discussion about this post