Uwi uwa chong chnong ka Lapangap uwa tip kam u Agustan Lamin, na iwi i luti khloo heipor kamwa 12 waje i sngi ka 25 tarik wa em hajan ka chnong Barato da chem u ya iwi i khon Khla Sim (Clouded Leopard) wei da ekti u ya ini i khon khla ha ki dkhot ka JSM kiwa dang liwan na ka chnong Barato yow lai cha Jowai.
Kamtæ ki dkhot ka JSM wa kynthup ya u Ribok Biam Education Secretary (WR) wa u General Secretary Western Region u C. Suchiang da pyntip ki cha ka DFO, Wildlife West Jaiñtia Hills District, Jowai kawa da phah wan e ya i khon khla cha yung krehkaam yong ka heiwa da leh yeini deiwa e kti ha ki wakreh.
Neiliang ka seiñ da e khublei ko ya u Agustan Lamin uwa da leh ya ini wa neidaw khlem ka bei, ini i khon khla ym im i.
