U Montri Rangbah ka jylla, u Conrad K Sangma ynne da saam u sa 346 tylli ki chithi thung kreh ya kiwa sikai ha ki LP School haka yalang wa pynman ha State Convention Centre Shillong deiwa emlang u Montri ka chnat puræ puthi, u Rakkam A Sangma.
Kini kiwa 346 ngut toh kiwa sikai ha East Khasi Hills, West Khasi Hills, Eastern West Khasi Hills, East Jaiñtia Hills, West Jaiñtia Hills wa Ri-Bhoi Districts.
Neiliang u Conrad da kyntu u ya kini kiwa sikai skur thymme wow chimkhia ki yei kaam yong ki yow pynkylla dur yaka puræ puthi hapoh hadien wa ka sorkar da chimkhia ko wow chna ya ki yung skur wa waroh iwa emkaam wei kattu chong hei kti kiwa sikai skur wow wanrah yei kylla.
Neiliang u Rakkam A Sangma da maham u wym hoi u phah da kiwi wow sikai heithaw yong ki wa tip kam ki Proxy Teacher neibhah wa ktah ko yei hok wa toh u yoh ki khynnah wa lai skur.
Kam wow pynkynmoo wa ini wa dep da saam 456 tylli ki chithi thung kreh ya kiwa sikai LP School hi haka yalang wa da pynman ha Tura haka tayaaw wa dep.
Neiliang u Montri Rangbah da pynlait u leh ya ki Teaching Learning Materials Kit kiwa tip kam ki Jadui Pitara neibynta ki khynnah Pre-School heiwa 35,000 ngut ki khynnah daw yoh ki ya kini ki tiar ki tar lyngba kiwa sikai LP School mar ya sdang skur.
Kini ki tiar kynthup ki nadooh ki Activity Sheets, Worksheets, Flashcards, Posters, Game Boards wa kiwi de.
Discussion about this post