Ka National Institute of Disaster Management (NIDM), Ministry of Home Affairs ka sorkar India deiwa ya krehlang wa ka Meghalaya State Disaster Management Authority (SDMA) da pynman ki ya ka e sikai wa le sngi kawa sdang ynne wei daw kut ha ka 18 tarik hapoh ka phang ‘Psychosocial Care in Disaster Management’ ha Conference Hall-I, Meghalaya Administrative Training Institute (MATTI), Mawdiangdiang, Shillong.
Ka R. Lyngdoh, Commissioner & Secretary, Department of Revenue & Disaster Management, ka sorkar Meghalaya da chimbynta ko kam ka kongsan heiwa da yaroh ko ya kiwa kreh ha kani ka chnat kiwa da kreh klem da kwah yei burom deiwa banjoor ko wa emkaam leh wow yarap yei bor pyrkhat pyrdaiñ ki bru wa sah ha ki thaw wa chah ktah ha ki bor ka rymaw.
Ka Dr. Ajinder Walia, Associate Professor, NIDM da khana ko chapang kani ka e sikai kawa thmu wow pynman ya kiwa kreh kani ka chnat kam kiwa tip kammon wow yarap leh ya kitu kiwa chah ktah deiwa pynkhlan yei bor pykhat kamjooh wow e mynsien yow lait ki nei sñiaw diaw wei sñiawsih.
Kiwi de ki thong toh yow sñiawthooh leh yeiwa emkaam ki bru wa da lait im nei chah ktah ki bor rymaw wei kammon u leh yow yoh yeiwa bha tam kamjooh kammon wow sumaar ki ya idæ hi hawa maad ki kam ha ini i chitom.
