Jowai: Ka yung krehkaam yong u Deputy Commissioner (Planning) West Jaintia Hills da pynman ko yaka yalang kawa tip kam ka “Orientation Programme” yow pynsñiawthooh kammon wow pykrehkaam ya CM’s E-Champion Challenge neibynta ki CSC, EFC wa DIC, ha ka Conference Hall yong ka yung krehkaam u Deputy Commissioner, Jowai.
Ha kani ka sngi da wan wow e sikai da ka District Election Officer hei emlang ka Rimaya S Mannar ADC West Jaintia Hills District, ka Priyanka Mawlong kawa man leh kam ka e.Service District Manager West Jaintia Hills District.
Da wan chimbynta da 58 tylli ki Common Service Centre CSC na ki artylli ki Block na ka Thadlaskein Block wa ka Laskeiñ Block wei kamjooh leh da emlang ki District Manger ka Common Service Centre CSC ka Amicia Pariat yong ka Amlarem wa Laskein Block u Mardao Marchiang uwa man kam u DM yong ka Thadlaskeiñ Block.
Da yoh leh ya i e sikai na ki bru yong ka Election Department, West Jaiñtia Hills District hajrong ka phang “Elector Verification Programme (EVP), wa kammon wow pynbait ya iwa bakla heiyatoh wa ki pyruid kiwa thap Vote kiwa em haka Electoral Roll wei kammon wow leh ya ini lyngba ka NVSP Website lyngba ki Common Service Centre.
Ka E-Champion won toh kawa dang sdang da u montri rangbah ka jylla u Conrad Sangma yow e laad e yarap ya kiwa em ki buit seiñ khih.
Ya kani ka e sikai da pynman haka 28-08-2019.
Discussion about this post