Jowai: Ka Nehru Yuva Kendra Sangathan hei ya krehlang waka SURE da pynman ki ya ka yalang pynsiawthooh ya ki khynnah skur ka H.K. Singh Memorial Secondary School ynnin ka sngi hajrong ka phang “Crime Against Women & Girl Child” namo ki kaam pyrchah aiñ ya ki kynthai wa ki khynnah kynthai.
Neiliang ka seiñ NYK da wan u B. Chakraborty uwa da ong waka seiñ NYK em ko ha waroh ka ri India wei da pynman ya kam kani ka yalang pynsniawthooh paidbah ha waroh ki District ka ri neidaw wa ki kaam pyrchah ya ki kynthai dang joor ki katwa dang lai ki sngi.
U P. Syiem, Deputy Superintendent of Police ka West Jaiñtia Hills hei klam yong oo da ong u emkaam bha u pynman ya kam kani ka yalang yow pynsniawthooh paidbah yei hok ki kynthai neibhah nachwa lada wan ujor ki kynthai ha ki pulit boon ki por hi hadooh ki pulit leh jooh ong bait ki wa toh i bakla ki kynthai kamtæ boon ym jooh wan ki cha khmat tangwa katni won da kmen u yoo wa boon wa chlur u wan cha khmat lada em iwon iwon wa jia pyrchah ya ki.
Da ong u leh i burom ya ki kynthai toh u sdang ki nadooh na yung na sem wei emkaam u sikai ya ki khon wym hoi u jrong kti ya ki kynthai yow sniawthooh ki manda heh wa emkaam u yaklam lada mih iwon iwon i sniawthooh bakla chi kurim.
Ya ki khynnah skur da pyntip u cha ki wa lada booddien phi ki ki kynthai hadien wa wai skur namo hadien wai i lai khrehkot man ko pyrchah ya ka aiñ iwa tip kam i “Stalking” wei ye u pynchitom ya ki katkam ka aiñ.
Hadien ini da yoh ya i klam na u muktiar u S. Changsan uwa man kam u Special Public Prosecutor uwa da klam chaphang ka aiñ wa yada ya ki khynnah hapoh 18 snem kawa tip kam ka Protection Of Children from Sexual Offenses (POCSO).
Ha kani ka sngi da yoh leh ya ka yalehke Drama da ki wa puræ MSW ka IGNOU.
Discussion about this post