Jowai: Ka The North East Network deiwa ya krehkaam lang wa ki pulit ka West Jaintia Hills District ynne da pynman ki yaka yalang wa chi sngi hajrong ka phang “Life Skill and Personal Safety for High School Students” ha District Library Auditorium, Mynthong, Jowai.
U Superintendent of Police, u Lakador Syiem, MPS uwa da emlang ha kani ka sngi, hei klam yong oo da ong u emkaam wow pynman kam kani ka pynsñiawthooh neidaw wa ha kini ki sngi emkaam wow sikai ya ki khon khynroo khyllood yong i yow tip ki yeiwa emkaam hawa im ki man ka sngi yow yada ki, yow tip ki wow chim yaka rai wa biang. Da pynchlur u ya ki khynnah skur wa wan wow emlang ha kani ka sngi wow chimbynta lang wei wow booh ya ki phang kylli wei wow khana iwa da tip ki na kani ka pynsñiawthooh paidbah.
Ya ki khynnah skur da yabhah ya ha ki 10 tylli ki dhab haka bynta wa nyngkong yow pynsñiawthooh ya ki yei emkaam wow tip kammon wow ap wow sñiaw ya iwa da khana ya ki heiwa u Aldridge Nengnong, u bru chemphang na Martin Luther Christian da pynyoo u da ki nongmuna wow leh ya ini.
Ka Dr. Marbaniang Syiem na Martin Luther Christian University lyngba ka PowerPoint da khana ko chaphang ka Life Skill and Personal Safety. Ka Ivyreen Warjri, Assistant Director MATTI, Shillong da klam ko chaphang kammon wow em ka yatoh hapyrdi ki bru wei kammon wow yaklam wa kiwi, katwa ka WPSI ka I. Kharpran da klam ko chaphang ki kaam pyrchah yaka aiñ.
Discussion about this post