Ki warep ka thaaiñ Namdong da yoh ki wow ya chimbynta ha ka e sikai chna sboh kawa tip kam ka sboh 18 sngi næ Berkeley Composting wa pynman da ka chnat i rep i riang lyngba ka yung krehkaam u District Agriculture Officer, West Jaiñtia Hills ha chnong Namdong-B.
Ha kani ka sngi da em u S. Syngkon, Agriculture Development Officer uwa da wan wow e sikai kammon wow chna sboh wei da saam leh da ki tiar cha ki warep wow chna sboh.
Neiliang u Waheh Chnong u D.S. War da e khublei u ya ka chnat rep wa da wan ki wow e ya kani ka e sikai wei da kyntu leh ya kiwa chong chnong wow pynemkaam hok ya kini ki tiar khnang wow man iwa myntoi ya ki warep.
Ki chnong kiwa wan wow chimbynta toh kiwa na ka Raij Namdong wa kynthup ya ka chnong Namdong-A, Namdong-B, Mukhnang, Thadmynri, Ladmyngngor, Lumrot wa Kremmyrsiang.
