Yoh State Award for Handicraft Artisans uwa na WJH

Shillong: Kam chibynta wow leh emburom wei wow tipmit yei sap ki bru kiwa napoh jylla kam ha ki chna tiar chna tar, da e ya ka State Award for Handicraft Artisans 2017-2018 ynne ka sngi ha Industrial Training Centre, Lower Nongrim Hills, Shillong. Heiwa u M.R. Synrem, Commissioner and Secretary, Commerce and Industries Department, da wan u kam u kongsan wei da saam u ya ki 5 tylli ki Award cha ki san ngut deilang waka song poisa T. 50,000 samen.

U kongsan hei klam yong oo da yaroh u ya kiwa yoh Award kamjooh yei sap yong ki wow chna ya ki mar wa boonjait, wei kini ki sap ym em duna ki hapoh ka jylla Meghalaya wa kiwi ki jylla ka thaaiñ mihsngi, iwa chitom won toh wow pynmih chiboon ya ki maar wa chna wei da pynchlur u ya ki wow krehchitom wei wow paan yarap na kani ka chnat sorkar.

U J.L. Mawlong, Director of Commerce and Industries, da pyntip u wa kani ka State Award 2017-18, da man ko kawa le kawa tip leh kam ka 3^rd State Award for Handicrafts Artisans nadooh wa sdang ya ka ha u 2015-2016.

Ha kani ka kynti da em 19 ngut kiwa wan chimbynta na ki District ka jylla kiwa chna tiar da ki dieñ ki, ki siej kiwa chna ya ki muna, ki thaw booh tiar, ki syntu pynriam yung, ki khadu ki kpieñ, ki mura wa kiwi kiwi.  

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Na kini ki 19 ngut da jied ya ki 5 ngut wow yoh ya ka State Award kiwa daw pynkrehkaam ya ki kam ki Designer wei daw yoh yarap ki leh na kiwa boon ki Scheme naka yung krehkaam u Development Commissioner (Handicraft).

Kini kiwa yoh ya kani ka Award daw yoh ki leh ka yarap poisa naka sorkar wow chna ya i thaw kreh Working Shed, Storeroom, Sale Outlet waka poisa u thied tiar thied tar wa kiwi kiwi.

Ki arngut kiwa yoh Award da khana ki yei parom yong ki wa kynthup ya ka Kretis Rynjah na East Khasi Hills District waka Daisy Christine G Momin na West Garo Hills District kiwa da khana ki kammon sdang ki nawa khian hadooh wa poi ki cha kani ka kyrdan.

Kiwi de kiwa yoh Award kynthup ki ya u Ram Kynjin, West Jaintia Hills, ka Albina Jyrwa na South West Khasi Hills District wa u Clement Sangma na North Garo Hills District.