Ka Meghalaya State Karate Do Federation (MSKDF) da phah ko ya 5 ngut ki dkhot yong ka wow chimbynta ki ha ka yakob wa tip kam ka Federation Cup Premier League & Youth League-2024, kawa da pynman nadooh ka 19 hadooh ka 23 tarik uni u bnai ha Talkotara Indoor Stadium, New Delhi.
Ya kini ki 5 ngut da yahkhmat da ka Bajoplin Kharmudai kawa na Madanrting, East Khasi Hills kam ka Team Leader.
Na kini ki 5 ngut da em 2 ngut kiwa da wanrah burom ya ka jylla kiwa da yoh mar kawi ka takma.
U Salmi Phawa uwa na Cham Cham, EJH da yoh u ya ka Bronze Medal ha ka yalehke Kumite Event U-17 ha ka 50 kg.
Ka Sesilia Dkhar kawa na Mutong, EJH da yoh ko ya ka Bronze Medal ha ka yalehke Kumite Event Cadets Female-47 kg
Ha kani ka Tournament kiwa yalehke toh kiwa da yabhah ha ka kyrdan Cadets, Junior & Senior (Male & Female) wei da pynman ya ka da ka Karate India Organization hapoh i yahkhmat u Hanshi Bharat Sharma, President ka KIO wa South Asian Karate Federation wei man u leh kam u Member ka Asian Karate Federation (AKF) & World Karate Federation (WKF) wa kiwi de.
Ka Meghalaya State Karate-Do Federation (MSKDF) toh du ka donhi ka seiñ na Meghalaya kawa da tipmit da Karate India Organization (KIO) New Delhi kawa man won kam ka seiñ Karate ha India wa da tipmit da ka World Karate Federation (WKF), ka Asian Karate Federation (AKF) wa kynthup leh ya ka World Youth Games, Common Wealth Games wa ka IOC.
Discussion about this post