Yoh takma ksiar ka Sheetal Devi ha ka Para World Archery Championship

Kawa siat khnam wa khlem kti na India kawa dang 18 snem, ka Sheetal Devi ynne da booh naam ko deiwa pynrem ya ka World No.1 na Turkey, ka Oznur Cure Girdi da 146-143 ha ka Women’s Compound Individual Category wow yoh ya ka takma ksiar ha ka Para World Archery Championship kawa da pynman ha Gwangju, South Korea.

Ka Sheetal man ko du ka donhi ha kani ka lympung kawa khlem kti wei da siat ko ya u khnam deiwa pynemkaam ya ki kjat wa i tangbieñ donhi.

Wa kani ka takma ksiar ka Sheetal da yoh ko le tylli ki takma ha kani ka lympung. 

Chwa ini da yoh ko ya ka takma tama ha ka Mixed Team chirup wa u Toman Kumar, deiwa pynrem ya ka Great Britain wa mihkhmat da ka Jodie Grinham wa u Nathan MacQueen da 152-149.

Ha ka Compound Women’s Open Team ka Sheetal wa ka Sarita da yoh ki yei takma rupa hadien wa rem ha ka Final pyrchah ya ka Turkey.

Related posts

Jop ka Lelad, ka Evanylla wa ka Jarain ha ka 1st Division ka SBSA

September 27, 2025

Jop ka Dongmihsngi wa ka Mulang Ialong ha ka 2nd Division ka WJDSA

September 27, 2025

Ha ka Individual Final ka yalehke da man ko kawa yakhaaid heiwa ka Sheetal da siat khnam ko wer næ heiwa ha ka bynta wa nyngkong da yoh ki mar 29, ha ka bynta wa ar da tam ko 30-27.

Ha ka bynta wa le da yoh ki mar 29, ha kawa soo won ka yoh ko 28 heiwa heitæ leh ka Sheetal da tam ko da 116-114.

Ha ka bynta wa san kawa man kawa khaddooh ka Sheetal da siat ko ya ki khnam thij wow yoh 30 Point wei neini da rai wa man ko kawa jop.