Yoh Takma Ksiar u NCC ka Meghalaya haka Sports Shooting

U Dawanpynshai Marwein uwa na Nongpoh, Ri-Bhoi uwa man kam u Senior NCC Cadet ka 2 Meghalaya Battalion NCC/Shillong Group uwa lai puræ ha St. Anthony’s College, Shillong da man u kam uwi na ki 24 ngut ki NCC Sports Shooting Team wa mihkhmat yaka Meghalaya haka yakob  yasiat namo ka Sports Shooting Competition wa da pynman da ka NER NCC Directorate.

Ya kani da pynman ha Indira Gandhi Athletic Stadium, Guwahati nadooh ka 18 hadooh ka 26 tarik uni u bnai.

U Dawanpynshai da yoh u da ka Takma Ksiar haka jait yasait wa tip kam ka 3P (Three Positions).

Da ong u wa da ye u wow jop deiwa biang i yoh sikai na u NCC Instructor Staff ka 2 Meghalaya Bn chwa wow lai chimbynta ha kani ka yakob.

Related posts

Sdang ka 4th T20 Cricket Tournament ha Ummulong

January 10, 2026

Sdang sa ki yakob yalehbol ki chynrang ha ka 1st Wailadmiki Shylla Youth Festival

January 7, 2026

U Dawanpynshai Marwein da ong u wa ka thong toh wow yoh u mihkhmat yaka NER NCC Directorate haka All-India NCC Shooting Competition neitæ haka Republic Day Parade 2025 Competition wa daw pynman ha New Delhi.