Ka NCC Group Headquarters wa em ha Shillong da pynman ko da ka yakob Drill Competition, yow pynyoo yei man ryntih wa i sap ki NCC Cadet wa em ha ki jylla ka North East.
Ya kani ka yakob yaleh Drill da pynman da pynlai da ka 2 Meghalaya Battalion NCC Shillong Group nadooh ka 10 tarik hadooh ka 13 tarik uni u bnai heiwa da em 35 tylli ki NCC Unit wa da wan chimbynta chongchit na ki 7 tylli ki NCC Group wa em hapoh ka NER Directorate.
Kini waroh da pynyoo ki yei sap yong ki kamjooh i kreh chitom kiwa em hapoh ka Army, Navy wa Air Force kiwa da yaleh yow yaknieh yei naam jop.
Kamtæ ynne ka sngi da saam ya ki khusnaam cha kiwa jop deiwa wan wow leh yeini da u Major General Gagan Deep, ADG NCC NER Directorate, haka yalang wa da pynman ha David Hall, APS Shillong.
Ka 2 Meghalaya Battalion NCC da yoh ko yei Takma Rupa katwa u JUO Hamarbathmu Marshiang Bai naka Synod College da yoh wa ar u na ki Senior Division Cadets.
Neiliang u Major General Gagan Deep da e u yei yaroh ya kini ki khynroo khyllood kiwa da kreh neibynta u tei ya ka ri kamjooh kiwa chlur wow chim yeini i kaam wow man kam ka nongmuna ya kiwi.
Kini ki liang wa jop kattu daw yoh ki u embynta haka NCC Republic Day Contingent, ka kabu ksiar ya ki wow pynyoo yei sap yong ki.
Discussion about this post