Ka All Meghalaya Traditional Wrestling & Pankration Association (AMTW&PA) da ye ko wow wanrah burom ya ka jylla Meghalaya deiwa khur ya ka takma rupa ha ka lympung yalehke Asian Belt Wrestling Championship kawa dang dep pynman nadooh ka 22 tarik hadooh ka 26 tarik uni u bnai ha Talkatora Indoor Stadium, New Delhi.
Ha kani ka lympung da wan wow chimbynta kamwa 10 tylli ki ri heiwa ka ri Kazakhstan da yoh ko yei naam Champions wei da bood sa ka Kyrgyzstan hei wa ar wa ka Iran hei wa le.
U Bankhrawnam Ryndong uwa chimbynta ha ka U-17 Boys 60 Kg, da rem u ha ka yakhun wa khaddooh pyrchah ya uwa yalehke na Kazakhstan. U Bankhrawnam toh uwa puræ Class-8 ha Thangsning Secondary School East Khasi Hills District.
Ha kawi won ka khubor, ka Lorenza Songthiang kawa da yoh takma tama ha ka North East Games 2024 ha Nagaland wa ar tylli ki takma ksiar ha ka AITW&PF Cup kawa dang dep pynman ha Jaipur, da chimbynta ko kam ka Qualified Asian Belt Wrestling Referee hadien wa da Pass ko ya ka Test wa da pynman da ka United World Wrestling (UWW) wei da yoh ko leh ya ka Diploma kam ka Judge kiwa yalehke ha Asia.
Neiliang ka Anita Songthiang won da kyrpaad ko ya ka chnat yalehke ka jylla Meghalaya wa ya ka MSOA wow pynpsiah ya ka Belt Wrestling kawa yasariem wa ka Naga-Traditional Wrestling ha ka 39th National Games kawa daw pynman ha Meghalaya ha u snem 2027.
Discussion about this post