Jowai: Ha ka khubor wa da phah da u Director ka Jaiñtia Hills Development Society, Bishop House’s Jowai Diocese Lumbihsyntu Mihmyntdu u Rev. Father Manbha Pakem da ong u wa ka Public Health Centre (PHC) Barato kawa da chimkti da ka Jaintia Hills Development Society, da kmen ko chiboon heiwa da yoh yaka thaw sumaar ha kani ka PHC neibynta ki bru kiwa kjut TB (Tuberculosis).
Chooh chooh da ong wa i yoh ya kani ka thaw sumaar kjut TB ha kani ka PHC daw yarap ko ya ki bru kiwa yoh ya kani ka kjut (TB) wow Test wei wow chah sumaar ha kani ka PHC.
Ya kani ka thaw Test wei sumaar ya kiwa kjut TB da wai ha ka 25 tarik uni u bnai da u ma Hilarious Dkhar uwa jooh man MDC ka thaiñ hei emlang ka Dr. Evalinda Laloo District Tuberculosis Officer, Father Manbha Pakem Director ka Jaintia Hills Development Society , u father John Michel Marboh Asst. Parish Priest ka Parish Khrist Syiem Barato, ki Rangbah chnong, Secretary chnong ka Barato A, B & C, ki khynnah skur wa ki nongchong chnong ka chnong Barato wa ki chnong wa marjan.
Discussion about this post