I e dawai yada COVID-19 hapoh ka jylla da poi ko sa cha kawi ka bynta heiwa da sdang leh wow e dawai sa cha kiwi kiwa toor chakhmat namo ka Frontline wow yaleh pyrchah yaka khlam kiwa ym toh ki wakreh haka chnat i chait i khiah heiwa hapoh ka West Jaiñtia Hills ynne ka sngi neiliang u DC u Garod LNS Dykes wa u Mark Andrew Challam, EAC leh da wan chim ki ya ini i dawai.
Neiliang u DC da ong u wa da chim ya ini i dawai deiwa em yei kitkhlieh deiwa pynchlur leh ya kiwi wow wan chim yeini i dawai neidaw wa man i iwa chngaaiñ wei ym toh iwa em yei maa wei ym toh wow tieñ ya ini i dawai.
Da ong u leh wa da chim u ya i dawai ym du wow yada ya idæ kamjooh yow man ko ka nongmuna ya kiwi wow wan ki chakhmat wow chim ya ini i dawai heiwa ki khon u leh da dep yoh ki ya ini i dawai deilang wa 4 ngut ki pyrsa u.
Kam wow pynkynmoo wa ini i dawai toh iwa e deiwa e Inject ar sien heiwa i sien wa ar toh iwa e hadien kamwa 28 sngi heiwa hapoh ka jylla leh da sdang wow e yaka sien wa ar yong kitu kiwa da dep yoh chwa.
Hadooh ynnin ka sngi kiwa da dep yoh ya ini i dawai hapoh ka jylla da em ki 11,605 ngut ki wakreh hei chait i khiah wa 2323 kiwi kiwa man kam ki Frontline Workers.
Kiwa da yoh yei sien wa ar namo ka 2nd Dose ini i dawai na ki wakreh hei chait i khiah da em ki 91 ngut.
