Ka President ka ri India, ka Droupadi Murmu da pynkup ko da ka Pradhan Mantri Rashtriya Bal Puraskar neibynta ki 17 ngut ki khynnah ha ki 7 tylli ki jait kaam neibynta i chlur ki ha ka yalang wa da pynman ha Rashtrapati Bhavan Cultural Centre, Delhi ynne ka sngi.
Na Meghalaya da chah pynkup burom u Kisen Wanniang (15 snem) uwa na chnong Mawlangwir, South West Khasi Hills uwa da pynlait im ya 4 ngut ki khynnah kiwa nadooh 9 hadooh 12 snem deiwa sai ki na ka wah Maweitksar heipor wa joor bha u slap.
Heipor wa jia ini, u Kisen dang sait that u harood ka wah heiwa da sñiaw u yei kbai kini ki khynnah kiwa paan yarap wei khlem da pyrkhat arsien da kynthiar u chapoh ka wah yow pynlait im ki.
U Kisen toh u khon ka bei samen kawa kreh mylla ha ki yung ki sem ki bru wei da yoh u ya ka Pradhan Mantri Rashtriya Bal Puraskar ya kini ki kaam chlur u.
Ka President hawa e yei klam da e khublei ko ya ki khynnah deiwa ong wa waroh ka ri da sñiawsarong ko ya ki.
Da ong ko leh ya kini ki khynnah kiwa da leh ya kini ki kaam wym ye batai de wa daw man ko kam ka nongmuna ya kiwi ki khynnah hapoh ka ri.
Discussion about this post