The Karnataka School Education and Assessment Board (KSEAB) ha ka 9 tarik uni u bnai da pynbna ko ya ka Result yong ka 2nd PUC. Ka 2nd PUC man ko kawa yaryngkat wa ka Class XII.
Ha kani ka Result da mih i pyrtuid u koidi na Ballari Central Jail, u Ashok Kumar wa chah kset chi rta heiwa da yoh u 81% wei da poi u ha ka First Class.
U Ashok da chah kset u la 7 snem kattu nei kaam tynyap bru, neitæ da sdang u wow khrehkot hapoh patok wei da leh u ya ka PU na ka Arts Stream.
Da yoh u 481 na ki 600 marks, iwa man 81% heiwa ki marks yong oo man ki kamni – Kannada – 82, English – 69, History – 94, Economics – 84, Sociology – 77 wa Political Science – 75.
Ka yutip na ki pulit da ong wa u Ashok da ka’it u wow puræ kot nadooh wa chah kset u kat hadooh wa poi u ha kani ka kynti.
Discussion about this post