Kam chibynta ka bynta wa ar namo ka Phase-2 i e dawai yada COVID-19 hapoh ka ri heiwa da sdang wow e yei dawai cha ki bru wa da em palat 60 snem nadooh kani ka 1 tarik wa ya kitu kiwa em 45-59 snem kiwa em chwa yei chitom, heiwa da e leh yei dawai ya kitu kiwa em hakhmat wow yaleh pyrchah yaka khlam kiwa tip leh kam ki Front Line Worker hadien wa da em palat 67 lak ngut ki wareh hei chait i khiah namo ki Health Care Worker da yoh ki ya ini i dawai tika.
Hapoh ka jylla, nadooh ki DC, ki heh pulit ki District ka Meghalaya leh da yoh ki ya ini i dawai.
Ynne ka sngi, u Lat ka jylla Meghalaya u Satya Pal Malik da yoh u leh ya ini i dawai yada COVID-19 iwa pyrtuid Covishield ha Ganesh Das Government Maternal & Child Health Hospital, Shillong.
Kiwi de kiwa da yoh ya ini i dawai hapoh ka ri ynne ka sngi toh u Hardeep Singh Puri, Union Minister for Housing & Urban Affairs (I/C); Civil Aviation (I/C) & MoS Commerce & Industry. U Chief Minister ka Goa, u Chief Minister ka Kerala, ka Minister for Health & Family Welfare ka Kerala wa kiwi kiwi de ki montri sorkar ka Kerala.
